Është katolike, ”Miss Universe Pakistan” bëhet mollë sherri ku përfshihet edhe shteti

Erica Robin do të përfaqësojë Pakistanin thellësisht konservator në konkursin e bukurisë ”Miss Universe”. 24-vjeçarja u zgjodh ”Miss Universe Pakistan” nga pesë finalistet në një konkurs të mbajtur në Maldive.

“Ndihem mirë të përfaqësosh Pakistanin. Por nuk e kuptoj se nga vjen reagimi. Mendoj se është kjo ide që unë të parakaloj me rroba banje në një dhomë plot me burra”, tha Robin për BBC. Ajo është një e krishterë nga qyteti i Karaçit. Ata që kritikojnë nominimin e saj thonë se ajo po përfaqëson një vend që nuk dëshiron të përfaqësohet, veçanërisht pasi konkurset e bukurisë janë të rralla në Pakistanin me shumicë myslimane.

Senatori Mushtaq Ahmed i partisë Jamaat-e-Islami e quajti “të turpshme”. Kryeministri në detyrë Anwar ul-Haq Kakar madje urdhëroi një hetim. Biseda në internet midis burrave pakistanezë në veçanti ka qenë rrëqethëse.

Robin kujtoi se gjatë raundit të dytë përzgjedhës të konkursit që u mbajt në Zoom, asaj iu kërkua të përmendte një gjë që donte të bënte për vendin e saj. “Unë u përgjigja, do të doja të ndryshoja këtë mentalitet se Pakistani është një vend i prapambetur”, tha ajo. Kjo mund të jetë e vështirë, duke pasur parasysh disa nga përgjigjet armiqësore ndaj emërimit të saj.