Miley Cyrus ‘ndahet’ nga marijuana: Askush s’ka tymosur aq shumë sa unë

Kështu rrëfehet Miley Cyrus në një intervistë të dhënë në një program televiziv rreth drogave të lehta. Që para një muaji, me daljen e albumit “Malibu”, ajo tregoi se donte të shkëputej përfundimisht nga marijuana.

“Vuaja nga ankthe të shumta, deri sa mund të më binte dhe të fiktë gjatë një transmetimi televiziv …”, tregon ish-ylli i Disney, duke dhënë dhe arsyet se pse ka vendosur t’i thotë jo përgjithmonë marijuanës.

“Askush nuk ka vdekur duke tymosur bar, por ama askush nuk ka pirë aq shumë sa unë kam pirë”, thotë Cyrus.

Ish-Hanna Montana ka deklaruar se këtej e tutje dëshiron t’i përkushtohet vetëm muzikës dhe daljes së albumit të saj të gjashtë. Për të deri tani, ky është albumi më i rëndësishëm.