Skandal, moderatori fton përdhunuesin të tregojë në TV si sulmon viktimat

Të shokuar kanë mbetur teleshikuesit në Bregun e Fildishtë, kur moderatori i një emisioni shumë të ndjekur i dha një personi të dënuar për përdhunim një manekin dhe i kërkoi të tregonte sesi ai i sulmonte viktimat e tij.

Yves de M’Bella e prezantoi burrin si një ish-përdhunues dhe i kërkoi të shpjegonte me detaje se si i përdhunonte viktimat e tij pasi i la në dorë manekinin.

Në fund të këtij “demonstrimi” që u krye përpara dhjetëra shikuesve, burri u ftua që të jepte disa këshilla për gratë se si të shmangnin përdhunimet.

Kanali ”Nouvelle Chaine Ivoirienne” kërkoi për herë të parë falje për gjithçka ndodhi, kjo edhe pas një peticioni të nënshkruar nga mbi 30 mijë persona që kërkonin dënimin e prezantuesit.