Mbrojtësi i Tottenhamit, Micky Van de Ven, ka realizuar një supergol duke përfunduar një aksion individual që nisi në zonën e tij dhe më pas bëri 75 metra për të arritur në zonën e Copenhagen.
Holandezi “fluturues” la pas të paktën katër lojtarë kundërshtarë përpara se të finalizonte me një goditje të saktë në cepin e portës, duke ngritur në këmbë gjithë stadiumin e “Tottenham Hotspur Stadium”.
Van de Ven, i njohur për shpejtësinë e tij, këtë herë i kaloi pritshmëritë edhe të vetë tifozëve të Spurs. Aksioni nisi kur Joao Palhinha fitoi topin pranë zonës së Tottenhamit, por më pas gjithçka ishte vepër e vetë mbrojtësit holandez, i cili kaloi me shpejtësi rrufeshme përmes mbrojtjes daneze.
Në fund, në vend që të pasonte për Kolo Muanin, i cili ishte i lirë në zonë, Van de Ven vendosi të përfundonte vetë aksionin dhe shënoi me qetësi golin e tretë për Tottenhamin.
Ky ishte goli i gjashtë në këtë sezon për mbrojtësin 23-vjeçar, i cili po bëhet një nga emrat më të spikatur në Premier League, duke treguar se nuk di vetëm të mbrojë por edhe të shënojë gola për t’u kujtuar gjatë. /R.Lika-Koha Jonë/
If you haven’t seen Micky van de Ven’s solo goal yet watch this! 😱
…and if you have seen Micky van de Ven’s solo goal watch it again! 🤯#UCLGOTD | @Heineken pic.twitter.com/rvDUBeYZwG
— UEFA Champions League (@ChampionsLeague) November 4, 2025