“Ai është një dhi”, Gattusso ofendon në lidhje direkte Kessie (VIDEO)

Gennaro Gattuso është një trajner që t’i thotë gjërat në sy, me ose pa kamera. Në lidhjen direkte pas fitores së djeshme ndaj Genoas, strategut i është kërkuar një mendim për ndeshjen e Kessie.

“Ai është një dhi. Duhej të kishte qëndruar më brenda fushës dhe duhej të kishte ndihmuar më shumë Suso-n”, deklaroi strategu i Milanit.

Trajneri i “Djallit” ka përdorur një shprehje të bërë të famshme nga Vittorio Sgarbi, kritik arti i njohur italian, i famshëm për shpërthimet e tij në studiot televizive. Mesfushori ndërkohë siç shihet edhe nga pamjet nuk e mori aspak me humor këtë deklaratë të Gattusos.