Alarm te Real Madridi. Isco dëmtohet me Kosta Rikën

Isco të shtunën vuajti një dëmtim në kofshën e majtë gjatë ndeshjes miqësore të Spanjës me Kosta Rikën. Një ndërhyrje nga Kendall Waston e la mesfushorin e Real Madridit të rrëzuar në fushë dhe u kuptua qartë se po ndiente dhimbje të mëdha.

Julen Lopetegui nuk e mendoi dy herë dhe e largoi nga fusha 25-vjeçarin, i cili në javët e fundit ka qenë në formën e tij më të mirë. Në Madrid tani po kryqëzojnë gishtat që spanjolli të mos ketë diçka serioze, sepse edhe të premten morën vesh një lajm të ngjashëm për anësorin Gareth Bale (do të mungojë për një muaj).