Allegri: Duhet të shënojmë më shumë, mos më krahasoni me Guardiolën

Juventus e ka nisur në mënyrën më të mirë këtë sezon në Seria A, teksa deri më tani ka 8 fitore dhe një barazim. Trajneri Massimiliano Allegrit në daljen për mediat para transfertës ndaj Empolit, është shprehur se skuadra e tij nuk duhet të bëjë më gabime e ndeshjes së fundit ndaj Genoas, teksa bardhezinjtë nuk shkuan më shumë se një barazim 1-1.

“Nuk do të jetë e lehtë, nuk duhet të lejojmë shpërqëndrime të tjera si me Genoan. Arrijmë të krijojmë shumë raste, por duhet të shënojmë më shumë gola e të përmirësohemi në pasimin e fundit. Nesër Ronaldo do të luajë, po ashtu dhe Szczesny, ndërkohë nuk jam ende i sigurt për Chiellinin.

Krahasimi kampionat dhe Europë? Në Champions ka goxha tension dhe nuk lejohen shumë gabime. Jam i lumtur me fitoren e skuadrës, por mos më krahasoni me trajnerët e tjerë. Për shembull, Guardiola dhe Ancelotti kanë fituar shumë në Champions, ndërkohë unë kam humbur 2 finale. Gjithsesi, shpresoj që ky të jetë viti i duhur. Sa i përket Bentacur, ai po rritet në nivelin fizik. Emre Can do të bëjë ekzaminime të tjera, por me shumë mundësi do të operohet. Manduzkic është i dmëtuar, ndërkohë që Sami Khedira po rikuperohet nga dëmtimi”, deklaroi Allegri në konferencën për shtyp.