Allegri: Kujtoja se kisha 10 lojtarë të “vdekur”, por qenkan vetëm dy

Trajneri i Juventus, Massimiliano Allegri, ka folur në konferencë për shtyp para ndeshjes së Champions League kundër Manchester United. Strategu bardhezi ka komentuar gjendjen e disa prej futbollistëve të tij.

“Kavilja e Mandzukic është më mirë. Të dielën nuk e mora në stol, sepse kisha frikë se mos i kthehej dhimbja duke ngjitur shkallët. Për sa i takon të tjerëve, mëngjesin e sotëm kam lexuar në shtyp se kishim 10 lojtarë të vdekur. Në fakt, kur kam shkuar në stërvitje kam thënë ‘Ku janë të vdekurit?’. Vetëm dy nuk do të jenë në dispozicion, Bernardeschi, i cili mund të kthehet kundër Milan, dhe Douglas Costa, që shpresojmë të kthehet sa më shpejt.

United? Duhet të tregohemi të kujdesshëm, do të duhet të luajmë më mirë nga sa kemi bërë atje. Ata mund të jenë të rrezikshëm në çdo moment. Do të duhet të jemi shumë të përqendruar, sepse është në lojë kualifikimi.

Ronaldo? Pres që ai të shënojë. Në ndeshjen e parë dhe të dytë nuk ka luajtur, në Mançester ka dhënë asist. Ka luajtur një, nuk është se ka luajtur shumë”, deklaroi trajneri i bardhezinjve.