Arsenal-Atletico/ Sonte zbulohet finalisti i parë në Champions, ja formacionet zyrtare

Mbrëmja e sotme në “Emirates” pritet të sjellë verdiktin e parë të madh të këtij sezoni në Champions League, ku Arsenal dhe Atletico Madrid përballen në ndeshjen e kthimit të gjysmëfinales. Takimi i parë në Madrid u mbyll në barazim 1-1, duke lënë gjithçka të hapur për 90 minutat vendimtare në Londër.

Skuadra e drejtuar nga Mikel Arteta vjen në këtë sfidë me disa mungesa të rëndësishme. Jurrien Timber, Kai Havertz dhe Mikel Merino nuk do të jenë në dispozicion, duke kufizuar opsionet e trajnerit spanjoll në disa reparte kyçe.

Nga ana tjetër, Diego Simeone duhet të bëjë llogaritë pa Pablo Barrios dhe Nico Gonzalez, por madrilenët mbeten një skuadër solide dhe e rrezikshme në çdo moment.

Fomacionet

Arsenal: Raya; White, Saliba, Gabriel, Calafiori; Rice, Lewis-Skelly; Eze, Saka, Trossard; Gyökeres.

Atletico Madrid: Oblak; Pubill, Le Normand, Hancko, Ruggeri; Giuliano Simeone, Koke, Marcos Llorente, Lookman; Griezmann, Julián Álvarez.