Atletico mund Sociedad-in dhe merr kreun e La Ligas në pritje të “El Classico” (VIDEO)

Atletico e Simeones, mori një fitore 2-0 ndaj Real Sociedad-it dhe u ngjit përkohësisht në krye të renditjes La Ligas.

“Los Colchoneros” vinin pas një humbjeje shkatërruese 4-0 ndaj Borussias së Dortmundit në Champions League, por sot dominuan takimin, duke shënuar nga një gol për çdo pjesë.

Godin kaloi në avantazh Atleticon pak sekonda para se të mbyllej pjesa e parë, ndërsa rezultati u vulos nga mbrojtësi brazilian Felipe Luis, në minutën e 60-të të sfidës.

Levante vijon surprizën, pasi mori fitoren e katërt radhazi, ndërsa mbrëmjen e sotme mposhti Leganesin me rezultatin e pastër 2-0, falë golave të Roger dhe Rochinës.