Barcelona blen një super talent nga Braga dhe i vë një klauzolë të çmendur (VIDEO)

Barcelona ka arritur të blejë Braga 20-vjeçarin Francisco Trincao. Sipas klubit katalanas, sulmuesi i ri ka firmosur deri në vitin 2025 dhe do të bashkohet me skuadrën në qershor të këtij viti.

“Kostoja e operacionit është 31 milionë euro dhe lojtari do të ketë një klauzolë prej 500 milionë eurosh”, njofton Barcelona në rrjetet e saj sociale.

Edhe pse vetëm 20 vjeç, Trincao shihet si një nga futbollistët më premtues të brezit të tij. Në 21 ndeshjet e këtij sezoni me Bragën, ka shënuar 3 gola dhe ka dhënë 6 asist. Ai mund të luajë si qendër sulmues dhe në krahë.