Barcelona mohon bisedimet me Griezmann

Pasi që klubi i Atletico Madridi dërgoi në FIFA një ankesë për Barcelonën në lidhje me kontaktet e tyre me Antoine Griezmann, ditën e sotme ka reaguar edhe klubi katalunas.

“Barcelona nuk ka negociuar me asnjë lojtar, që kështu nuk ka thyer asnjë rregull”, ka thënë zëdhënësi i klubit për MARCA. Të hënë drejtori i Barcelonës, Guillermo Amor, kishte thënë se nuk ka negociata nga të dyja palët për Griezmann, pasi ka kontratë deri në vitin 2022.

Sipas rregullave të FIFA-s një klub nuk guxon të kontaktojë me lojtarin nëse nuk i është bërë të ditur klubit të tij aktual. Griemzann pëlqehet shumë nga skuadrat më të mëdha në Evropë.