Barcelona në ritëm të çmendur/ Projeksioni i frikshëm: 262 gola në një sezon!

Barcelona e Hansi Flick po regjistron shifra të jashtëzakonshme në fillimin e sezonit 2026-2027. Sipas një analize statistikore të publikuar nga e përditshmja spanjolle Mundo Deportivo, katalanasit mund ta mbyllin sezonin me plot 262 gola të shënuar në të gjitha kompeticionet, nëse vazhdojnë me të njëjtin ritëm ofensiv.

Pas tetë javëve të para në La Liga dhe dy ndeshjeve në fazën e ligës së Champions League, Barcelona ka regjistruar një mesatare prej 4.3 golash për ndeshje. Një shifër mbresëlënëse, që dëshmon fuqinë sulmuese të skuadrës së drejtuar nga tekniku gjerman.

Sipas projeksionit të Mundo Deportivo, nëse Barcelona arrin deri në finalet e Superkupës së Spanjës, Kupës së Mbretit dhe Champions League, do të zhvillojë gjithsej 61 ndeshje zyrtare gjatë sezonit. Me mesataren aktuale prej 4.3 golash për takim, katalanasit do të mund të arrinin kuotën e pabesueshme të 262 golave.

Natyrisht, ky është një skenar hipotetik dhe tejet i vështirë për t’u realizuar, pasi kërkon ruajtjen e një efikasiteti të jashtëzakonshëm përgjatë gjithë sezonit, si dhe rezultate që do ta çonin skuadrën drejt finaleve të të gjitha kompeticioneve.

Megjithatë, shifrat e deritanishme flasin qartë për potencialin ofensiv të Barcelonës. Nën drejtimin e Flick, skuadra po tregon se mund të jetë një makineri e vërtetë golash, duke vënë në vështirësi çdo kundërshtar.