Java e 34-t në La Liga mund të kurorëzojë Barcelonën si kampione. Skuadra katalanase arriti një fitore të vuajtur 2-1 në transfertë ndaj Osasuna, në një sfidë që u zhbllokua vetëm në minutat e fundit. Për më shumë se 80 minuta, ndeshja mbeti e ekuilibruar dhe pa gola, deri në momentin kur protagonisti erdhi nga pankina: Marcus Rashford dhuroi një asist të saktë për Robert Leëandoëski, i cili me kokë dërgoi topin në rrjetë.
Vetëm pak minuta më vonë, katalanasit goditën sërish. Fermín López shërbeu për Ferran Torres, që finalizoi saktë për të dyfishuar shifrat dhe për t’i dhënë qetësi ekipit të drejtuar nga Hansi Flick. Osasuna arriti të ngushtojë diferencën me një gol me kokë të David García, duke rihapur përkohësisht sfidën. Megjithatë, minutat shtesë nuk sollën ndryshim rezultati dhe Barcelona administroi avantazhin deri në fund.
Tashmë vëmendja zhvendoset te Real Madrid, që përballet sot me Espanyol. Një hap fals i madrilenëve do t’i jepte matematikisht titullin Barcelonës, ndërsa në të kundërt gjithçka pritet të vendoset në përballjen direkte, El Clásico e 10 majit në Camp Nou.
