Bologna fiton ndaj Sampdorias dhe “siguron” mbijetesën (VIDEO)

Bologna e Sinisa Mihajlovic mposhti 3-1 Sampdorian në javën e 27-të të Serie A, duke hedhur një hap të sigurt drejt mbijetesës dhe duke ngushtuar në vetëm 1 pikë diferencën në renditje pikërisht me Sampdorian e Ranierit.

Barrow i dha avantazhin Bolognas pas 27 minutash lojë, por ekipi dorian gjeti shpejt baraspeshën me veteranin Fabio Quaglliarella në të 37-ën.

Por vetëm 4 minuta më vonë Svanberg shënoi edhe të dytin për kuqeblutë që shkuan në pushim në avantazh 2-1. Fitoren e Bolognas e vulosi Roberto Soriano me golin e tij në minutën e 70-të.