Buffon: Pas Kupës së Botës do largohem nga futbolli

Gianluigi Buffon edhe një herë tjetër e ka konfirmuar se do të largohet nga futbolli pas Kupës së Botës “Rusia 2018”.

Portieri i Juventusit, Gianluigi Buffon thotë se vetëm nëse i premtohet triumfi në Ligën e Kampionëve do të bënte që ai të shtynte pensionin.

Në të kundërtën, italiani thotë se pas Kupës së Botës do të largohet nga futbolli për t’ia lënë vendin portierit Wojciech Szczesny.

“Nuk mendoj për ndryshimin e mendimit, sepse jam shumë i sigurt. E vetmja mënyrë për të ndërruar vendimin do të ishte triumfi në Ligën e Kampionëve”, tha Buffon për Sky.

“Me një portier si Szczesny mbrapa meje, është normale që ai do të më zëvendësojë vitin tjetër”.