Chelsea futet në garë për Kumbullën, dërgon skaut në Itali

Marash Kumbulla është një prej të rinjve më të kërkuar në merkaton europiane. Interesimi për talentin shqiptar mbetet i madh dhe së fundmi në garën për shërbimet e tij është futur edhe Chelsea.

Përfaqësues të klubit anglez e vëzhguan mbrojtësin 20-vjeçar, gjatë barazimit pa gola që Hellas Verona regjistroi në trasfertën kundër Lazio-s në Romë. Në këtë mënyrë, blutë e Londrës sfidojnë dy gjigantët e Serie A, Inter dhe Napoli, që prej kohësh janë vënë në ndjekje të Kumbullës.

Madje, për të mposhtur konkurrencën e zikaltërve, Napoli ofroi 20 milionë euro plus bonuse. Skuadrat e interesuara gjithsesi duhet të bindin futbollistin e talentuar në verë, teksa atëherë do të kenë shansin për ta bërë të tyrin me një ofertë të mirë financiare.