Chelsea mund Palace dhe rrëmben vendin e dytë në renditje (VIDEO

Chelsea ka marrë fitoren e radhës në kampionatin anglez pasi ka mundur me rezultatin 3-1 Crystal Palace në “Stamford Bridge”. Një sukses ky që i ka dhuruar skuadrës së Maurizio Sarri-t vendin e dytë në renditjen e Premier League.

Ndeshja u zhbllokua në minutën e 32-të të takimit nga Morata, i cili nuk shënonte në dy ndeshje radhazi në kampionat që nga nëntori i 2017-ës.. Palace barazoi përkohësisht takimin në minutën e 53-të me Toënsend, i cili ka shënuar tre gola në Premier kundër “Bluve”, më shumë se ndaj çdo ekipi tjetër në kampionat.

Lëvizja që ka vendosur takimin ka ardhur në minutën e 64-t, kur Sarri ka aktivizuar Hazard në vend të Willian, me belgun që ka shpërblyer besimin e italianit një minutë më pas, kur ka dhënë asistin për golin e dytë të vendasve, që ka pasur përsëri për autor spanjollin Morata.

Pedro siguroi fitoren për Blutë e Londrës me një gol të shënuar 20 minuta nga fundi pas një pasimi të Marcos Alonso.