Conte mbyll gjyqin me Chelsea-n, gati të marrë drejtimin e Realit

Antonio Conte ka zgjidhur marrëveshjen kontraktuale që e mbante ende të lidhur me klubin e Chelsea-t dhe nga tani është një trajner i lirë.

Në çështjen e tij kundrejt Abramovich që i takonte ta paguante edhe për një vit, Conte mësohet të këtë nxituar procesin e mbylljes kontraktuale në gjykatë, e gjitha kjo për të qenë i lirë tashmë që marrëveshja e tij me Realin e Madridit projektohet e mbyllur.

Mediat spekulojnë se çështja e largimit të Lopeteguit konsiderohet e mbyllur, teksa strategu spanjoll do të shkarkohet nëse nuk fiton në “El Clasico”. Vetëm një mrekulli mund ta shpëtojë Lopeteguin nga shkarkimi, pasi Reali me të duket se nuk funksionon.