Crujf trembet nga Tirana, i kujton Makabit humbjen e Izraelit me Shqipërinë

Trajneri i Makabi Tel-Aviv, Jordi Crujf, ka bindjen se çështja e kualifikimit në turin tjetër të Ligës së Europës nuk është mbyllur, edhe pse ekipi i tij ka fituar 2-0 ndeshjen e parë dhe ka statusin e favoritit përballë Tiranës.

Në konferencën e sotme për shtyp ai la të kuptohet se nuk nënvlerësonte ekipin që kishte përballë dhe se kishte përgatitur skuadrën për një lojë të fortë nga bardheblutë.

Mendoj se do të ishte jo korrekte ta interpretonim kështu. Fitorja 2-0 është në rregull për një rezultat në shtëpi, por mendoj se deri në minutën e fundit nuk duhet të nënvlerësojmë askënd. Kemi si shembull historinë e kohëve të fundit me kombëtaren e Izraelit kundër Shqipërisë. Nuk mendoj se jemi në pozicionin që të mendojmë se gjithçka ka mbaruar”, tha tekniku i skuadrës izraelite.