De Biasi shkarkohet në Spanjë, kurse Ballist Morina në burg në Kroaci

“Klubi ka vendosur të shkëpus kontratën me trajnerin Gianni de Biasi, për shkak të rezultatev në ndeshjet e fundit. Për momentin, Javier Cabello është trajner i skuadrës së parë”, thuhet në njoftimin zyrtar.

“Falënderojmë De Biasin për punën e bërë gjatë kësaj periudhe dhe i urojmë më të mirat në të ardhmen e tij profesionale”, shkruhet në njoftimin e Alavesit”.

De Biasi njohje rritje vetëm në Shqipëri. Këtu punoi dhe pati edhe fat, duke e çuar kombëtaren shqiptare të futbollit në Europian. Por me shumë ishte dhe droni i Ballist Morinës i cili iu dha tre pikë të vlefshme.

Gjithsesi De Biasi dhe Ballist Morina ishin “trajnerët” e futbollit për në Europian. Tashmë De Biasi i shkarkuar dhe pa asnjë të ardhme në botën e futbollit, të paktën për momentin, kurse Ballist Morina në burg në Kroaci në pritje të ekstradimit për në Serbi për dronin dhe tre pikët që i dha me këtë akt Shqipërisë.

De Biasi arriti kulmin në Shqipëri. Siç duket tani fillon rënia, ndërsa Morina i dronit që ngriti peshë zemrat e shqiptarëve, si dhe solli vendimin e gjykatës së futbollit të UEFA, duke i dhënë 3 pikë ekipit të Shqipërisë, ngrihet lart si njeri që shokoi Serbinë dhe ngriti moralin e kombit shqiptar. Ai në këtë përvjetor të Flamurit të Pavarësisë dergjet në burgjet kroate për flamurin e dikurshëm të trojeve shqiptare.

Mu në zemrën e Beogradit ai foli shqip, por dha edhe tre pikë.