Dembele shpallet sërish lojtari më i mirë i Ligue 1, PSG dominon çmimet sezonale

Sulmuesi i Paris Saint-Germain, Ousmane Dembélé, është shpallur lojtari më i mirë i sezonit në Ligue 1 për të dytin vit radhazi. Ylli francez mori çmimin gjatë ceremonisë së zhvilluar të hënën në mbrëmje, duke i dhënë PSG-së triumfin e dhjetë radhazi në këtë kategori individuale.

Edhe pse sezonin e kaluar Dembélé ishte një nga protagonistët kryesorë në fitimin e titullit kampion nga PSG, duke realizuar 21 gola, këtë edicion ndikimi i tij ka qenë më i kufizuar për shkak të problemeve fizike. Sulmuesi ka qenë titullar vetëm në nëntë ndeshje kampionati, pasi është përballur me disa dëmtime gjatë sezonit.

Një tjetër futbollist i PSG-së, Désiré Doué, fitoi çmimin si lojtari i ri më i mirë i kampionatit, duke konfirmuar sezonin e shkëlqyer të talentit francez. Ndërkohë, trajneri Pierre Sage u vlerësua si tekniku më i mirë i Ligue 1, pasi arriti ta shndërrojë Lens në një skuadër pretendente serioze për titullin kampion.