Derbi Inter-Milan, zbulohen formacionet zyrtare të Contes dhe Piolit

Sonte në mbrëmje do të luhet derbi Madoninës mes Interit dhe Milanit. Super dueli i Seria A pritet që të dhurojë spektakël, teksa Conte dhe Pioli kanë shuar dyshimet e fundit për formacionin që do të hedhin në fushë.

Zikaltrit nuk kanë mundur të rikuperojnë kapitenin Handanovic, teksa nga minuta e parë do të luajë Padelli. Në mbrojtje do të luajnë Skriniar, De Vrij dhe Godin. Në mesfushë do të luajnë Young dhe Candreva, ndërkohë që më në qendër do të jenë Brozovic, Vecino dhe Barella.

Në krahun tjetër Pioli do të luajë me skemën 4-4-2. Ibrahimovic dhe Rebic do të jenë në majën e sulmit, ndërkohë që Calhanoglu dhe Castillejo do të luajnë në krahë. /R.Lika-Koha Jone/