Didier Deschamps, ish-trajneri i Francës, i cili i la vendin Zinedine Zidane, nuk duket i gatshëm të rikthehet në pankinë, veçanërisht jo në mes të sezonit. Ai ka qenë në shqyrtim nga disa klube kohët e fundit, por ka zgjedhur të mos pranojë asnjë nga ofertat e marra deri tani.
Oferta më e fundit, e zbuluar në Angli, ishte nga Manchester United. Klubi anglez i kishte propozuar Deschamps-it të merrte drejtimin e “Djajve të Kuq”, duke pasur parasysh ecurinë e dobët të skuadrës nën drejtimin e Carrick këtë sezon. Megjithatë, trajneri francez ka bërë të qartë se aktualisht nuk është i interesuar, pasi dëshiron të vlerësojë me qetësi të gjitha opsionet për të ardhmen e tij profesionale.
Ky refuzim vjen pas një tjetër oferte të rëndësishme, asaj trevjeçare me shifra astronomike nga Al Ahli në Arabinë Saudite. Deschamps është përmendur gjithashtu si një kandidat i mundshëm për të zëvendësuar Spallettin te Juventusi, në rast të shkarkimit të këtij të fundit. Këto refuzime të vazhdueshme theksojnë qartë se Deschamps nuk është i prirur të marrë drejtimin e një ekipi në mes të një sezoni futbollistik.
