Dybala: Jemi në të njëjtin nivel me Real Madridin

Sulmuesi i Juventusit, Paulo Dybala beson se skuadra e tij është në të njëjtin nivel me Real Madriditn, shkruan “Football-Italia”.

“Të gjithë e dinë që ne jemi në të njëjtin nivel me Real Madridin dhe në finale futemi si të barabartë”, tha fillimisht ai.

Gjatë një interviste për “JTV”, sulmuesi argjentinas nënvizoi se skuadra e tij është e uritur për një sukses në Champions.

“Megjithëse e kemi fituar titullin të shtunën ne do të shkojmë në Bolonja për të fituar sepse një performancë e mirë ndikon në moralin tonë para finales së Championsit. Ne jemi të qetë dhe të uritur për Championsin. Kur kanë mbetur edhe 10 ditë nga finalja ne kemi nisur punën për të përgatitur sa më mirë atë ndeshje. Ne të gjithë besojmë në projektin e Juventusit”, përfundoi ai.

Bardhezinjtë kanë fituar tashmë Kupën e Italisë dhe Scudettën e gjashtë me radhë dhe tashmë janë gati për finalen e Champions Leagues e cila do të zhvillohet më 3 qershor në Cardiff.

/ SYRI.net /