E bujshme/ Klubet e mëdha gati të braktisin kampionatet për Super League-n

Gazeta gjermane “Der Spiegel” ka zhvilluar një hetim të bazuar te të dhënat e marra nga “Football Leaks”. Gazetarët kanë arritur në përfundimin se Bayern, bashkë me klube të tjerë europiane, ka nisur të krijojë Super League-ën europiane.

Skuadra bavareze do t’i thotë lamtumirë Bundesliga-s për t’i hapur rrugën një kampionati europian me 15 klube të tjerë të mëdha, që do të quhet Super League.

Firma për këtë dokument pritet të vijë këtë muaj. 16 skuadrat do të luajnë në dy grupe dhe ndeshjet do të zhvillohen të martën, të mërkurën dhe në fundjavë.

Këto janë skuadrat që do të marrin pjesë në Super League: Real Madrid, Barcelona , Manchester United, Juventus, Chelsea, Arsenal, PSG, Manchester City, Liverpool, Milan, Bayern, Atletico Madrid, Borussia Dortmund, Marseille, Inter dhe Roma.