E bujshme nga Franca, Wenger-in e projektojnë në krye të Milanit

Milani po kalon një moment pozitiv në kampionat, pasi ka fitore radhazi që e kanë ngjitur në vendin e katërt. Gjithsesi duket se kjo nuk ka mjaftuar që Gattuso të vijojë i qetë punën në krye të skuadrës së kuqezinjve.

Gazeta franceze “France Football”, shkruan se në javët e fundit ka pasur shumë kontakte mes drejtuesve të Milanit dhe Arsen Wenger. “Do të jem diku në ndonjë skuadër në fillim të vitit tjetër, por nuk e di se ku”, u shpreh Wenger kohët e fundit. “Kam pushuar dhe e kam ndjekur futbollin. E ndiej mungesën e tij”.

Emri i Arsene Wenger është lidhur edhe me klube si Bayern Munchen dhe Real Madrid, kurse tani “France Football” e afron me Milanin, ku mund të ketë edhe rolin e menaxherit dhe të bashkëpunojë me drejtorin e Përgjithshëm, Leonardo.