FIFA gjobit sërish Shqipërinë, shkak sjellja e tifozëve në “Loro Boriçi” kundër Italisë

Federata Shqiptare e Futbolli është gjobitur nga FIFA për shkak të sjelljes së tifozëve në shkallët e stadiumit në ndeshjen e fundit të eliminatoreve të luajtur kundër Italisë me 9 tetor në “Loro Boriçi”.

Komisioni i Disiplinës pranë FIFA-s ndëshkoi me 5 mijë franga zvicerane FSHF-në për shkak të sjelljes së tifozëve që kanë ndezur flakadanë.

Shqipëria në këtë fazë kualifikuese të Botërorit “Rusi 2018” ka qenë shpesh nën vëzhgim nga FIFA për shkak të sjelljes së tifozëve apo problemeve të tjera. Me gjobën e fundit shkon në 250 mijë euro shifra në total të cilën federata duhet të paguaj në organizatën më të madhe qeverisëse të futbollit në botë.