Fitoi çmimin ‘The Best’, këto janë fjalët emocionuese të Ronaldos

Ylli i Real Madridit, Cristiano Ronaldo, ka lënë prapa Lionel Messin dhe Neymar duke fituar çmimin “Lojtari më i mirë për Vitin 2017” nga FIFA.

Portugezi u shpreh tejet i lumtur për këtë triumf, i dyti radhazi,  teksa falënderoi të gjithë ata që e kanë ndihmuar për të arritur te ky sukses.

“Faleminderit tifozëve të Real Madridit, lojtarëve, trajnerit, presidentit, që më kanë mbështetur gjithë vitin”, tha portugezi.

“Ky është çmimi i dytë radhazi dhe me të vërtetë jam shumë i lumtur, kjo do të thotë shumë për mua. Është fantastike të jem këtu në mesin e lojtarëve të mrekullueshëm. Jam shumë i lumtur dhe faleminderit”, deklaroi Ronaldo.