Formacionet zyrtare/ Brazili dhe Belgjika kërkojnë një vend në gjysmëfinale ndaj Francës

Sonte në mbrëmje Franca do të mësojë kundërshtarin në gjysmëfinalen e Kupës së Botës. Brazili dhe Belgjika do të sfidojnë njëra-tjetrën në “Kazan Arena”. Në letër kjo cilësohet ndeshja më e bukur e kësaj faze, ndërmjet dy prej skuadrave më të talentuara të Kupës së Botës.

“Seleçao” nuk pëson gol prej ndeshjes së parë në grupe ndaj Zvicrës dhe mund të mbështetet te klasi i Neymar, ndërsa përfaqësuesja belge kaloi me sukses testin e vështirë ndaj Japonisë, ku me përmbysjen e rezultatit, duke shënuar tre gola.

Brazili në 9 ndeshjet e fundit në 8 raste nuk ka pësuar gol. “Selecao” i gëzohet rikthimit të Marcelos nga minuta e parë, ndërkohë që në mesfushë nuk do të luajë Casemiro por Fernandinho. Në krahun tjetër Belgjika kundërpërgjigjet me vetëm një ndryshim në formacionin bazë, teksa Chadli, që shënoi golin e fitores ndaj Japonisë, ka fituar një vend titulluari ndaj Carrasco.