FOTO/ Arsenali arrin marrëveshjen, sulmuesi udhëton drejt Londrës

Arsenali është treguar e gatshme të paguajë 48 milionë Sterlina për sulmuesin e Lionit, Alexandre Lacazzette.

Sipas medieve franceze, marrëveshja është arritur ndërsa 26-vjeçari ka prerë biletën për në Londër për të kryer testet mjekësore me klubin e ri, shkruan tabloidi britanik “The SUN”.

Lacazzette do të nënshkruajë kontratë 5-vjeçare me “topcinjtë”, ndërsa paga që do të përfitojë futbollisti ende nuk është zbuluar.

Sulmuesi francez e kishte bërë të qartë se do të largohej nga Lioni me destinacion të mundshëm Atleticon e Madridit, por pezullimi i merkatos së Los Colchoneros nga FIFA, e bëri të pamundur vënien e tij nën urdhrat e Simeones.

/ SYRI.net /