Fushata kundër njohjes së Kosovës, Daçiç: Ndërkombëtarët duan të heqim dorë

Ministri i Jashtëm serb, Ivica Daçiç, është shprehur për mediat serbe se ndërkombëtarët i kanë kërkuar që të pezullojë fushatën, ku ai i kërkon vendeve që e kanë njohur Kosovën ta tërheqin mbrapsht atë.

Pala shqiptare është ankuar tek perëndimorët për mua, dhe Perëndimi po kërkon që ne ta ndalojmë këtë fushatë, sepse i irriton shqiptarët dhe dëmton dialogun ndaj tyre. Sipas tyre, lobimi që ata bëjnë për njohje të reja është i mirë.

Ndër të tjera Daçiç ka folur edhe për tërheqjen e Grenadës, duke e cilësuar një rezultat të madh.

Pavarësisht presionit nga ndërkombëtarët, Daçiç shprehet se qëllimi i Beogradit mbetet që numri i njohjeve të Kosovës të bjerë nën njëqind deri në fund të vitit nga 102 vende që e njohin atë.