Gjoka debuton me humbje te Vllaznia: Na duhet kohë të kalojmë ngërçin

Traneri Ernest Gjoka debutoi me humbje sot në takimin Vllaznia-Partizani. Trajneri i ri i shkodranëve ka folur pas ndeshjes dhe ka treguar se do të ishte i kënaqur vetëm nëse do të merrte pikë.

Do të isha i kënaqur nëse do të dilja me 1 ose 3 pikë. Mendoj se e kërkuam golin por nuk e kërkuam mirë. Nëse arrijmë të zgjojmë cilësitë e lojtarëve, besoj se do të ndryshojnë gjërat. Mendoj dhe shpresoj se duke ndryshuar disa gjëra ne do t’ia dalim. Skuadra nuk ka asnjë problem dhe nëse do të kishte më shumë lojtarë do të ishte më mirë. Duhet të kalojmë ngërçin, por mendoj se duhet pak kohë. Për të arritur tek ajo që na duhet mendoj se na duhet ende shumë punë”, përfundoi trajneri që doli kampion me Kukësin në sezonin e kaluar.