Gjyqtari nuk paraqitet të arbitrojë ndeshjen, e kërcënuan me familje

Dje një ndeshje futbolli u anulua, sepse i kërcënuan familjen gjyqtarit kryesor të ndeshjes mes Kastriotit dhe Bylisit. Gjyqtari ishte caktuar Juxhin Xhaja. Ai njihet si një nga gjyqtarët korrekt dhe profesionist.

Dje paradite ka marrë telefonata të çuditshme, kërcënuese për familjen. Situata është bërë shqetësuese, pasi mësohet se bashkëshortja e gjyqtarit është shtatzënë.

Policia ka filuar hetimet për autorët e telefonatave anonime ndaj gjyqtarit. Të dyja skuadrat rrezikojnë të dalin nga kategoria superiore.

Hetimet po përqëndrohen për presione nga tifozë apo edhe drejtues të skuadrave.