As panetoni dhe as darkat e Krishtlindjes nuk ia kanë lëkundur disiplinën Erling Haalandit. Sulmuesi norvegjez ka zgjedhur një mënyrë origjinale dhe ironike për t’iu përgjigjur mesazhit të fortë të Pep Guardiolës: një foto e peshores e publikuar në Instagram.
94.4 kilogramë. Kaq shënon ekrani, një peshë që konsiderohet ideale për fizikun e “cyborgut” të Manchester City, e shoqëruar me një përshkrim të shkurtër dhe domethënës: “Gjithçka është në rregull”. Postimi u interpretua menjëherë si një përgjigje e drejtpërdrejtë ndaj shqetësimeve të trajnerit katalanas dhe brenda pak minutash u bë viral në rrjetet sociale.
Reagimet nuk munguan. Mes tyre edhe ai i Gianluigi Donnarummës, i cili e komentoi postimin me emoji buzëqeshëse, duke vlerësuar humorin dhe vetëbesimin e sulmuesit të Cityt.
Gjithçka lidhet me paralajmërimin e Guardiolës përpara pushimit treditor të festave. Trajneri kishte qenë i qartë dhe pa kompromis: kalendari është i ngjeshur dhe pesha e lojtarëve do të kontrollohej me imtësi. Kush do të kthehej mbi peshë, do të mbetej në Manchester.