I drejtojnë armën në kokë dhe grabisin mesfushorin e Atletico Madrid

Mesfushori spanjoll i Atletico Madrid, Koke, është plaçkitur me armë të enjten në mbrëmje në kryeqytetin spanjoll.

Ngjarja ka ndodhur në një parking në zonën “Chamberi”, teksa 25-vjeçari ishte duke e parkuar makinën e tij dhe grabitësi ka arritur t’ia marrë orën e dorës duke e kërcënuar me armë zjarri.

Policia e Madridit dyshon se mesfushori është ndjekur nga grabitësi dhe në momentin që ka hapur dritaren për të marrë biletën e parkingut, ai është afruar dhe ia ka drejtuar armën drejt kokës, duke bërtitur ‘më jep orën’ dhe me ta marrë atë është larguar me shpejtësi nga vendi i ngjarjes.

Rasti në fjalë është duke u hetuar nga policia që përmes kamerave është duke provuar që të identifikojnë grabitësin.

Ky incident ka ndodhur vetëm 48 orë para derbit të Madridit, ku Atletico do të përballet me “galaktitkët” e Real Madrid.