Ibrahimovic dhe Raiola ndodhen në Torino, sulmuesi rikthehet në Serie A te…?

Zlatan Ibrahimovic dhe agjenti i tij, Mino Raiola ndodhen në Torino.

Lajmin e raporton “Premium Sport”, duke sjellë entuziazëm në radhët e tifozëve të Juventusit që ëndërrojnë sulmuesin suedez në skuadrën e tyre.

Për momentin është thjesht një sugjerim, por sigurisht që dëshira e madhe e tifozëve bardhezi është të shohin në sulm treshen Higuain-Dybala-Ibrahomivic.

Sulmuesi suedez është drejt riaftësimit të plotë pas dëmtimit që pësoi pak javë para se të përfundonte sezoni gjatë një ndeshjeje me Manchester United.

Ibra nuk është më një futbollist i ‘djajve të kuq’ dhe prej kohësh po kërkon një tjetër ‘strehë’.

Nuk është ende i qartë motivi i vizitës së Ibra-s dhe Raiola-s në Torino, por dihet nga të gjithë se objektivi i sulmuesit suedez, ashtu si edhe i Juventusit është triumfi në Champions League.

A do të ketë një rikthim të Ibrahimovic te Juventusi? Kjo mbetet për t’u parë se çfarë do të ndodhë në ditët në vijim.