Vieri thumbon Icardin: Sot bëhet sulmues vetëm me një Instagram të mirë

Mauro Icardi e ka kaluar Christian Vierin për golat e shënuar me fanellën e Interit, por “Bobo” është ka reaguar menjëherë duke thumbuar argjentinasin.

“Unë dhe Icardi jemi shumë të ndryshëm. Por, jo vetëm me atë, në fakt nuk gjej asnjë lojtar me karakteristikat e mia që përplaset me të gjithë dhe lufton me të gjithë. Unë dhe Inzagi ishim të sëmurë për të shënuar gola.

Sot ju duhet vetëm një Instagram i mirë për të qenë sulmues. Nuk ke nevojë për të shënuar çdo të diel. Më parë, në qoftë se nuk arrije rezultatin e duhur, mbylleshe brenda në shtëpi, ktheheshe të nesërmen për të shqyrtuar gabimet që ke bërë dhe për t’i përmirësuar. Kjo nuk ndodh më. Ishim të sëmurë, të gjithë të brezit tim, sidomos sulmuesit. Ne ishim të sëmurë për gola”, u shpeh Cristian Vieri në një deklaratë për “Radio Deejay”.