Interi kërkon një mbrojtës nga Chelsea

Inter ka filluar të lëvizë në merkaton dhe po mendon t’i bëjë disa dhurata trajnerit Spalletti. Njëri nga objektivat e milanezëve është mbrojtësi i Chelsea-it të Antonio Conte-s, Christensen. Nuk do të jetë e lehtë për zikaltrit t’ia marrin danezin “Bluve”, seose në Londër e vlerësojnë shumë. Lojtari ka qenë në rritje të vazhdueshme dhe ka një kartonçmimi i të cilet rritet javë pas jave. Kontrata e tij nuk është shumë e gjatë, do të skadojë në 2020-ën dhe Inter shpreson të gjejë një mënyrë për të bindur klubin anglez.

Italianët janë interesuar edhe verën e kaluar për lojtarin që pëlqehet shumë nga Spalletti dhe që konsiderohet si një përforcim shumë cilësorë për mbrojtjen nga Ausilio dhe Sabatini. Zikaltrit kanë kërkuar ta marrin me formulën e huazimit, por Chelsea ka refuzuar, sepse Conte kishte besim te potenciali i lojtarit. Fusha po i jep të drejtë trajnerit italian. Por Inter është gati të bëjë një ofertë më tunduese në merkaton e verës, nëse skuadra do të kualifikohet në Champions League.

Nëse Christensen është lojtari perfekt për Inter-in, i fortë, me eksperiencë dhe shumë i ri, është një mbrojtës tjetër që ka mbetur në radarin e zikaltërve, por që është akoma më i vështirë për t’u arritur. Bëhet fjalë për Jose Maria Gimenez, i cili konsiderohet i paprekshëm nga Atletico Madrid, që shumë shpejt do t’i rinovojë edhe kontratën.