Ja çfarë thotë Philipp Lahm pas mbylljes së karrierës

Philipp Lahm e ka mbyllur karrierën e tij me fitore. Pas 517 ndeshjesh me Bajernin, mbrojtësi gjerman ka ndjenja të përziera, sidomos kur feston për herë të fundit me bashkëlojtarët.

“Ndjenja të përziera, kur festoni për herë të fundit me djemtë aty. Është emocionuese. Ajo çka kam përjetuar me fansat, ekipin dhe shokët këtu ishte për herë të fundit. Të jem në këtë fushë me ekipin dhe trajnerët ishte jeta ime. Klubi është si një komunitet i madh, do të më mungojë. Kam përjetuar momente aq të bukura këtu me të gjithë. Bashkëlojtarët, fansat, të gjithë. Ju dëshiroj më të mirat të gjithëve”, u shpreh ai pas ndeshjes.

Kujtojmë që Bajerni ka fituar titullin e pestë radhazi në Bundesligë.