Ja çfarë thotë Zidane për finalen me Gremion

Real Madridi do të përballet me skuadrën braziliane Gremio në finalen e Kupës së Botës për klube.

‘Los Blancos’, kanë arritur në finale pasi mposhtën në gjysmëfinale skuadrën arabe Al Jazira me rezultat të ngushtë 2-1.

Por Gremio do të jetë një kundërshtar edhe më i fortë dhe këtë gjë e di edhe trajneri i kampionëve të Evropës, Zinedine Zidane.

Para ndeshjes ‘Zizou’, ka thënë se nuk ka favorit në finale dhe se gjasat janë 50 me 50.

“Është një ndeshje finale dhe gjasat janë 50 me 50. Nuk mendoj se ka favorit në këtë takim”.

“Duhet të jemi më të saktë para portës në krahasim me atë që kemi bërë ndaj Al Jaziras. Do të kemi një kundërshtarë shumë më të fortë”, ka thënë Zidane.

Tekniku i skuadrës spanjolle e dëshiron edhe këtë trofe dhe për këtë beson tek lojtarët e tij.

“Duam ta fitojmë këtë trofe dhe jam i bindur se lojtarët do të japin më të mirën në fushë”, ka përfunduar Zidane.