Ja data e zyrtarizimit të transferimit të Rodrigues drejt Man.United

Megjithëse mungon vetëm zyrtarizimi, James Rodrigues në fund të sezonit do të largohet nga Real Madrid për tu transferuar te Manchester United.

Është tabloidi britanik “The SUN” e cila ka zbuluar se kolumbiani do të zyrtarizojë transfertën te “Djajtë e Kuq” menjëherë pas fundjavës, ku Reali më 21 maj do të zhvillojë ndeshjen e fundit të sezonit në La Liga.

Por në krahun tjetër Manchester United nuk dëshiron të reklamojë këtë transfertë pasi së fundmi klubi britanik ka sqaruar se “pozicionet mes Manchester United dhe James janë ende larg arritjes së një marrëveshjeje”.

Sipas mediave britanike kjo transfertë është thuajse e mbyllur dhe zyrtarizimi do të vijë pas 21 majit atëhere kur James të ketë përfunduar sezonin në Spanjë me Real Madridin.