Juventus e ka seriozisht për yllin e Bayernit, e do që në janar

James Rodriguez mund të jetë transferimi i ardhshëm i bujshëm te Juventusi në Seria A. Në dhjetor është programuar një takim mes drejtuesve të klubit bavarez dhe menaxherit të lojtarit për të vendosur të ardhmen e 27-vjeçarit.

Largimi i Rodriguezit parashikohet në qershor, por nuk përjashtohet mundësia që futbollisti të vendosë të ndërrojë fanellë që në janar. Bardhezinjtë po e monitorojnë nga afër situatën e krijuar te gjermanët për të ndërhyrë më pas kur t’u jepet mundësia.

Cristiano Ronaldo ka kërkuar që kolumbiani të transferohet në Torino, për të formuar një sulm edhe më të frikshëm me yjet e tjerë. Operacioni mund të mbyllet me disa pagesa, njëlloj siç u veprua me Douglas Costën.