Kombëtarja e Shqipërisë është nisur pak minuta më parë drejt Varshavës, aty ku do të zhvillohet sfida e shumëpritur e “Play-Off”-it përballë Polonisë.
Kuqezinjtë udhëtojnë me moral të lartë dhe të vendosur për të marrë një rezultat pozitiv në një transfertë që është shumë delikate. Stafi teknik ka përgatitur skuadrën në detaje gjatë ditëve të fundit, ndërsa pritet që formacioni të jetë në maksimumin e tij për këtë përballje vendimtare.
Ndeshja që do të luhet në kryeqytetin polak pritet të ketë një interes të madh, jo vetëm për rëndësinë që mbart, por edhe për rivalitetin mes dy përfaqësueseve që kërkojnë kualifikimin.
Rreth 3 mijë tifozë nga Shqipëria do të jenë të pranishëm në Varashavë për të mbështetur Kombëtaren tonë.
