Kombëtarja vijon përgatitjet në Turqi, Qaka e Ajdareviç bashkohen me grupin

Kombëtarja po vijon përgatitjet për miqësoren e 13 nëntorit kundër Turqisë.

Skuadra e drejtuar nga Panucci ndodhet në Antalia të Turqisë, ndërsa sot janë planifikuar të zhvillohen dy seanca stërvitore.

Stafi teknik është marrë më shumë me mbrojtjen gjatë seancës së paradites, për të kaluar më pas në dy repartet e tjerë.

Gjatë ditës së djeshme me kuqezinjtë janë bashkuar edhe dy risitë e listës Kamer Qaka dhe Astrit Ajdarevic.

Seanca e pasdites do të zhvillohet në orën 17:00 me orën lokale të Turqisë.