Koret raciste ndaj Kosovës, UEFA dënon ashpër federatën rumune

UEFA ka dënuar federatën rumune të futbollit, pasi tifozët vendas kishin bërë thirrje raciste ndaj Kosovës në takimin Rumani-Serbi të luajtur në Bukuresht. Institucioni numër 1 i futbollit në Evropë gjobiti me 50 mijë euro për ofendimet ndaj Kosovës dhe 23 mijë euro të tjera sepse fansat rumunë u futën në fushë dhe ndezën fishekzjarrë. Tifozët gjithashtu shpalosën banderola ofenduese ndaj emigrantëve.

Rumania do t’i luajë ndeshjen e radhës pa praninë e tifozëve më 17 nëntor. Por ofendimet nuk ishin vetëm ndaj shqiptarëve, por edhe hungarezëve në takimin e 14 tetorit. Sigurisht që në Serbi dënimi i Rumanisë nga UEFA është quajtur turp i madh, pasi nuk përbën asnjë ofendim të thuash “Kosova është Serbi”.