Kupa e Spanjës/ De Biazi bën befasinë në Getafe, Alaves fiton sfidën e parë

Alaves mposht 1-0 Getafen në transfertë, në sfidën e parë të Kupës së Mbretit në Spanjë. Skuadra e drejtuar nga ish-trajneri i Shqipërisë, De Biasi, ka arritur suksesin falë golit të shënuar nga Santos në minutën e 87-të.

Sulmuesi që realizoi golin e fitores u hodh në fushë nga De Biasi në minutën e 56-të duke zëvendësuar Bojan Krkic.

Ndeshja e kthimit, Alaves-Getafe do të luhet më datë 29 nëntor. Në rast kualifikimi, skuadra e drejtuar nga De Biasi do të luajë me fituesin e çiftit Deportivo-Las Palmas.