Lazio fiton me “poker” ndaj SPAL, Immobile shkëlqen me dopietë (VIDEO)

Lazio rikthehet te fitoret në Seria A, teksa sot ka fituar me lehtësi 4-1 në duelin e zhvilluar në “Olimpico” ndaj SPAL. Skuadra e drejtuar nga Inzaghi kaloi në avantazh me Immobilen që në minutën e 26-të, por gëzimi i tyre zgjati vetëm dy minuta pasi Antenucci vendosi menjëherë baraspeshën.

Reagimi i bardhekaltërve ishte i menjëhershëm duke kaluar sërish në avantazh me Immobilen në minutën e 35-të, pas një kombinimi të bukur me Caicedon.

Në pjesën e dytë nuk kishte shumë histori, teksa Catakdi dhe Parolo shënuan dy golat që vulosën fitoren. Lazio ngjitet përkohësisht në vendin e katërt në kuotën e 21 pikëve, 3 më shumë se Milani. /Koha Jone/