Leao drejt largimit nga Milani, sfida me Cagliarin mund të jetë e fundit

E ardhmja e Rafael Leao te Milani duket gjithnjë e më larg Milanos. Sulmuesi portugez, një nga protagonistët kryesorë të kuqezinjve në vitet e fundit, pritet të largohet në fund të sezonit, ndërsa ndeshja ndaj Cagliarin mund të shënojë paraqitjen e tij të fundit me fanellën kuqezi.

Leão do të mungojë në sfidën kundër Genoa për shkak pezullimi, çka e bën edhe më simbolike ndeshjen e fundit të kampionatit ndaj Cagliarit. Sipas raportimeve të mediave italiane, drejtuesit e Milanit e kanë vlerësuar kartonin e lojtarit rreth 60 milionë euro dhe interesimi nga klubet europiane është në rritje.

Pas shtatë sezonesh me emocione, trofe dhe momente vendimtare, raporti mes Leaos dhe ambientit milanist duket se është ftohur ndjeshëm. Klubet e Manchester United dhe Chelsea po monitorojnë me kujdes situatën e portugezit dhe janë të gatshëm të hyjnë në negociata gjatë merkatos së verës.

Interes për Leaon ka edhe nga Arabia Saudite. Al Hilal, që drejtohet nga Simone Inzaghi, e konsideron sulmuesin portugez një nga objektivat kryesorë për sezonin e ardhshëm. Në javët e ardhshme pritet të ketë zhvillime të rëndësishme për të ardhmen e Rafael Leaos, por sinjalet e fundit tregojnë se aventura e tij me Milanin është shumë pranë fundit.