Leipzig me mbrojtje të “hekurt” ndal Bayernin në “Allianz Arena” (VIDEO)

Bayerni nuk ka shkuar më shumë se një barazim pa gola ndaj Leipzigut në duelin e luajtur në “Allianz Arena”. Pjesa e parë ishte më e kujdesshme, megjithatë për t’u shënuar është momenti i minutës së 40-të, kur Lewandowski u bllokua në momentin e fundit nga një mbrojtës.

Në fillim të pjesës së dytë Timor Werner shkaktoi panik në portën e vendësve, por edhe tentativa e tij u bllokua nga mbrojtja.

Rasti më i diskutueshëm u shënua në minutën e 54-t, kur Upamecano, sipas kryesorit shkaktoi 11-metërsh, por pas rishikimit të pamjeve nëpërmjet sistemit VAR gjyqtari Frizt e ktheu vendimit e tij, duke nxitur irritimin e kampionëve në fuqi.

As Goretzka nuk ia doli të mposhtte portierin Peter Gulacsi në minutën e 80-të, me Leipzigun që u mbrojt mirë në minutat e mbetura duke marrë një pikë me shumë vlerë në “Allianz Arena”.